Сэтгэлийн илчлэл

Анх би түүнийхээ харцанд тогтож
Агшин тэр үед зогсон
Аз жаргалын гялбаа
Нүдний минь урдуур гялбасан

Нүүдлийн шувууд халууныг санагалзан явдаг шиг
Нэг л мэдэхэд би чамд дасаж эхэлсэн
Харцанд нь тогтох гэж
Хайрын үгсийг харамгүй зориулсан


Дурласан юм байлгүй тэр үед
Дууг нь сонсох гэж
Хаана ч байсан олж харах гэж
Орчлон хорвоог самаран байж олж очдог болсон

Одоо харин би хачин сонин ааш гаргадаг болж түүндээ
Магадгүй хайрласан юм байлгүй
Хайр гэж энэ л байх хэмээн
Харанхуй шөнө ч бодон үл унтана

Нэг л мэдэхэд чи минь
Миний амьдрал минь болж
Орчлон хорвоог
Чамгүйгээр төсөөлөхөөргүй болсон
Одоо би нуухгүй хайртай гэдгээ
Олны өмнө хэлнээ...
Чамдаа би хамгаас илүү хайртай... Нархан минь <3

Шөнө би чамайг зүүдэллээ

Шөнө би чамайг зүүдэллээ
Шөнийн оддыг хамт байна гэж зүүдэллээ
Шүлэг тэрлэн чамдаа уншиж байна гэж зүүдэллээ

Шөнө би чамайг зүүдэллээ
Цэцэг алагласан талаар
Гар гараасаа хөтлөлцөөд гүйж байна гэж зүүдэллээ

Шөнө би чамайг зүүдэллээ
Нуурын цэнгэг ус шиг тунгалаг царайнд
Сэтгэл юуган алдарч байна гэж зүүдэллээ

Шөнө би чамайг зүүдэллээ
Мандах наран мэт мишээлийг нь харж
Маргааш өглөөг угтлаа гэж зүүдэллээ...

Учрал

Цээл талд дэггүйтэж гүйхдээ
Цэнгэл жаргал хоёрыг давхар эдлэн
Дуулан байждээ би
Цээлхэн хоолойг чинь сонсоод
Чиний зүг шилбүүр унан гүйснээ
Тэгэхэд би анзаараагүй ч
Тэртээ холын нэгэн өдөр
Чамтай хамт алхлана гэдгээ
Тэр мөчид л би ухаарсан

Олон олон жилийн дараа
Одоо л чамтай учирах гэж
Олон олон охидын дундаас
Одоо л чамайгаа таних гэж
Цаг хугацаа чинь зүгээр яваад өгөхгүй
Зүлгээд түүнийг минь өөрчилчих юм
Зүггүйтэж байсан насанд минь
Зүгээр л буцаагаад хүргээд өгөөч

Нэгэнт чи гэрээ барилцах хүнтэй болсон болохоор
Чамд гэж би захиа яахан бичих
Харин хайр дутагдах мөчид
Халуун гараас чинь атгахыг л хүлээедээ

Дөрөв

Би бол хатуу хүйтний эсрэгцэл
Хайр инээмсэглэл хоёрын илрэл
Орчлонг ирлэх билүү
Оройд нь ургах мөчир

Бодох тусам бодогдох
Бодлын гинжин хэлхээ
Бодлоо цэгцлэх
Уншлагын танхим Би

Сав сав л гэх юм
Саваагүйтэж байгаад
Дүүргэчихвийдээ
Сайн харж л амьдрахсан

Сайхан бүсгүйн харцыг булаахсан
Саатаж ганц үнсүүлэхсэн
Харцных нь толионд ганц өртөхсөн
Оройн бодолд нь ганц орохсон

Хариулт

Мэдэхгүй мэдэхгүй гээд байхад 
Юунд надаас асууна
Юу мэдмээр байгаагаа хэлчихвэл 
Юу гэж би ч чи ч ингэж мэгдэхэв
Юу юунаас илүүтэйгээр 
Юу чамд Аз жаргал өгөх вэ гэдэг л чухал
Зовлон ирэх хариулт болвоос 
Юу гэж чамд би хэлэхэв
Зүгээр л мэдчихдэг бол 
Хүмүүнийг таних амархан бус уу
Амьдралд ганц л эр нөхөр байдаг юм 
Гарцаагүй түүнээс чинь би яахан холдуулах
Зүгээр л сэтгэлийг чинь тайтгаруулж 
Чамайг л ойлгож мэдрэх л чухал байх 
Мэдэхгүй гэдэг үг мянган үгийн хариулт гэх
Мэддэг бол мянган үгийг ч илэрхийлэхгүй бол яана
Зүгээр л нүдээ аниад юу хүсэж байгаагаа л бод 
Тэр л миний хариулт.

Элийрэл

Ганцаардын өтгөн манан дунд байрлах 

Ганцхан жижиг байшин

Надаас холдсон мөртүүд сэтгэлийн жаварт хадгалагдан үлдэнэ.

Намайг гэсэн хүмүүс насны эрхэнд тунан хоцорно

Холын хоёр од шиг хослон амьдрахсан 

Хонгор нутгийн салхинд дахиад нэг илбүүлэхсэн

Харцны чинь дор суухсан

Хаан хурмастын жигүүртэй болохсон

Алаг нүдний чинь харцанд ахиад нэг өртөхсөн

Амгалан тайван мэдрэмжийг ахиад нэг мэдрэхсэн

Нүдээ аниад хүслээ шивнэхсэн 

Нүүдлийн шувуудтай хамт алсын газрыг зорихсон 

Олноос онцгойрох зүйлгүй ч 

Орчлонд ганцхан чи 

Зүүдээ манахсан 

Зөнгөөрөө чамтай учирахсан

Гурван жил

Надад гэж хаягласан захидал
Намайг гэж бичсэн чиний мөртүүд

Уулзсан өдрөөс хойш
Учралын аязнаас хойш
Улиран өнгөрсөн гурван жил

Сайхан хайрын эхлэл гэж бодсон мөчүүд
Санаанаас гардаггүй өдрүүд
Санаандгүй холдсон гурван жил

Нүүрэн дүүрэн инээмсэглэсэн хугацаа
Нүглийн хүлээснээс ангижирч
Нүцгэн моддын хажууд үлдсэн гурван жил

Хацар хайрсан жавартай өдрүүд
Хайрын орноор аялсан зүүд
Хар дарж сэрсэн гурван жил

Баяр гуниг ээлжилсэн гурван жил
Тэвчээр хатуужил дунд өнгөрсөн гурван жил
Ээлжлэн өнгөрсөн гурван жил
Элээх энэ өдрүүдэд эцэс төгсгөл гэж байна уу

Надтай хамт алхалаач

Нялх ногоо

Дэлгэрч буй цэцэгсийн хажуугаар

Жирэлзэн харагдах амьдралын дундуур

Надтай хамт алхалаач 

Хорчигнон урсах голын дэргэдүүр

Хөвч ногоон модон дунд

Цэцэгт алаг талаар

Надтай хамт алхалаач

Навчис шарласан

Намрын орой 

Шаргал навчис дээгүүр

Надтай хамт алхалаач

Шинэхэн орж буй цаснаар

Шонгийн модны доогуур

Шинэхэн цасан дээгүүр 

Надтай хамт алхалаач

Сар чи бид гурав

Бодол хөвөрсөн орой байлаа
Бодлоо ялгах гэж дээш өнгийлөө
Чамайг харна гэж бодтол 
Тэргэл саран чамайг харлаа
Тэртээх алсад байгаа чиний дүр нүдний өмнө тодрон харагдана
Чиний нүднээс олж хардаг тэр л тайтгарал
Тэргэл саран үүлсийг яран 
Миний өмнө зам заах шиг болдогсон

Одоо би чамайг мартахгүй
Онцгой тохиолдол гэж бодон
Орчлонг эргүүлэх хүчийг мэдрэн
Омголон насанд чинь хамт байна

Одоо би чамайг мартахгүй 
Одод тоолон чиний талаар бодон
Хүслийн харгуйд 
Хорвоогийн уудмаар чамтай хамт аялана

Орхиод одсон он цагийг би олж чадахгүй
Зүрхний гүнд шаргал навчс мэт хийсэн одсон мөрийг би баллахгүй
Одоо чамайг мартахгүй 
Оргилсон энэ зүрхэнд минь чи минь орших болсон учир

Хоёр мөрт чамдаа

Чамайг мартах гэж би зүрхээ шатаана

Чамайг мартах гэж би нулимсаа тэвчинэ

,,,

Зүүдний үзүүрт байх зүрхэн улаан байшинд 

Зуун өдрийг элээн 6 хоног амьдрах миний гэр 

,,,

Орчлонг тойрч чамайг хайна

Оддыг тоолон чамайг хүлээнэ

,,,

Бодол сэтгэлдээ чамайг тээнэ

Богинохон насыг чамтай туулна

,,,

Зураг зурж нүдэнд минь үзэгдэнэ

Зуурдын жаргалыг өгөн надаас холдоно

,,,

Мянга мянган үгс дотрыг минь хэрчин

Мяралзан харагдах голын ус лугаа адил амьсгал дор минь бөхнө.

,,,

Нүднээ харагдах хоёр ертөнцөд

Нүүдлэн ирэх цаг хугацаанд чи бид хоёр оршино

Худал үнэн

Гэрэлтэн харагдах уулсын дундаас 

Гэнэн нэгний мөрөөдөл асуй

Асар холын уудмаас

Салхинд туугдан үүл чи ирнэ

Тэнгэрт орших өнгө бүрийг халхлан 

Саарал цагаан үүлээр хорвоог бүрхэнэ

Чамаас унах үгс бүхэн зүрхэнд хүрч

Сэтгэлийн чандад өнөд шингэн үлдэнэ

Дэргэдэх бодол салхинд туугдан 

Зэрэглээ мэт үгс чиний хажуугаар туугдан алга болно

Дотор буй хүчийг эрчлэн татаж уулсыг нэвтлэн 

Далайг хагалан чиний зүг харавна

Түүдэг галын дэргэд

Гал минь гал минь дүрэлзэн ас

Гал халуун насны минь цог болон гэрэлт

Тэнгэр өөд цогоо түгээ

Тэнгэрийн элч мэт түүний хацранд инээмсэглэл тодруул

Харах бүрийд сэтгэл минь догдолж

Зүрх минь дэнслэнэ

Уянгын хоолой гаргахгүй ч

Учралын аяыг чамд би тоглож өгнө

Одод түгсэн шөнө сарны гэрлээр чи намайг гэрэлтүүлнэ

Орчлонгийн хязгаар мэт чи тэнд зогсоно

Олон олон зун

Олон олон ододтой хамт чамтай байхсан 

Сэтгэлийн дарсанд хундага өргөн ууя

Сэрүүхэн шөнө уйлагнан найгах тэр шар навч

Аз жаргалыг хайн тэнгэр өөд салхинд хөөгдөн салхилна

Бүрхэг тэнгэр, гэрэлт наран өөд тэмүүлнэ

Салхинаас айн зөвхөн дээш л тэмүүлэхийг хүснэ

Гэтэл салхи гэнэт гарч ирэн 

Зүг чиггүй авч одно

Хөөрхий тэр навч бусад навчсын дунд орон

Өөрийн жолоогүй мэт туугдан хийснэ

Дээш тэнгэрийг харан 

Хэзээ ч очиж чадахгүй болсон мэт сэтгэгдэлд автан салхинд туугдана

Салхи хаашаа тэр навч хийснэ

Хэзээ зогсох, хэзээ чөлөөлөгдөхөө тэр навч эс мэдэн 

Гуниглалд автан, салхины урсгал дунд бусдын адил хийснэ

Салхи хэзээ зогсож дахин дээшээ харах бол

....

Чамайг дагах миний мөрүүд сэтгэлд үлдэнэ

Тэнгэрийн заадас мэт энэ олон тэмдэгтүүд

Чиний өмнө сөхрөн уйлан хайлан урсах

Уянгын чимээг чи лав сонсохгүй

Сэтгэлийн галд шатагдаж

Сэрүүн шөнөөр ч дүрэлцэнэ

Хаалттай дотор минь юу болж байгааг

Харах нүд чинь ойлгож эс чадна

Авсан доторх хоригдол мэт алс хэтийн бодол ч эс төрнө

Гаслантай энэ хорвоод дааж давахааргүй зүйл бол чамайг бодох миний бодол

Гуниглана гуниглана гуниглана

Тарчлана тарчлана тарчлана

Ай энэ дотор минь юу болж байнаа....

Хүлээ....

Чамайг явсан өдрөөс чамайг санаж эхэллээ..

Чанд ганцхан сэтгэлийн угтаа чамайг дурсан

Учрах гэж учирдаг даруу тавиланд уягдан

Чамайг хүлээн салхин дунд алхлана

Ганцаар мэлмэрэн уулсын оргилыг харан 

Сарыг ширтэн чамд үгээ хэлнэ.

Сэтгэлд минь дүүрэн чиний тэврэлт 

Наран мишээх мэт аз жаргалыг мэдрүүлнэ.

Бяцхан бодолд хөтлөгдөн дахиад л чамайг бодлоо

Хав хар үүл дэлхийг нөмрөх мэт 

Сэтгэлд гунигийг төрүүлнэ

Чамайг санаж ганцаардан 

Чамайг санаж инээмсэглэнэ.

Алс холын замд сайн яваад ирээрэй гэж

Талын монгол чинь чамайг хүлээнэ

Уудам талын чинь сэвэлзүүр салхи чамайг хүлээнэ

Уртын сайхан дуутай уянгын тансаг монгол аялгуу чинь чамайг хүлээнэ

Уулзаж учирч байсан хүмүүс чинь чамайг хүлээнэ

Цэлмэг хөх тэнгэр чинь хүлээнэ

Чамд л ганцхан зориулагдах цэцэгс чамайг хүлээнэ

Уул усны чинь онгод сахиус хүлээнэ

Урт цагаан сахал, буурал үстэй ахмадууд чинь хүлээнэ

Хүний нутгийн тэнгэр гэж бүү бодоорой хүслээ дагах шувуу мэт хөвөр ч байгаадаа чиний араас

Санаа хүслийн алсаас сайхан залуу чинь чамайг хүлээнэ

Цэцэгт талын дундаас эрвээхэй үргээн гарч ирэх чамайг би хүлээнэ.

Нам гүм

Чамайг хайн цэцэгсийг үнэртэн явсаар 

Нүцгэн модны доор тулаад ирлээ

Шаргал улаан навчис газраар хөгөлрөн

Газрыг бүрэхжээ..

Дээш тэнгэрийг харвал

Цагаан үүлэн дээр нэгэн бийр цэнхэр тэнгэрийг будан 

Салхины хөдөлгөөнд найгалзана харагдана

Тэртээд байх чиний дүр сэтгэлийг гэгэлзүүлэн 

Намарт дуртай мэт навчсын дунд нам гүмийг мэдрэн зогсоно

Юу бодож хэнийг хүлээн зогсож буйг хэн ч үл мэдэн гагцхүү 

Түүний нүдэнд гунигийн харц мэдрэгдэнэ

Орчлонгийн уудмаас чамруу довтлох мэт хүчит салхи ирж буй нь мэдрэгдэн 

Навч мод хоёрын нэгэн үе ижилдэн дассан мэт дурсамжийг сэдрээнэ

Ятга хөгжим янагийн дуун лугаа адил 

Сэтгэлд өнгө нэмэн нэгэн бодолд дарагдуулна

Хайр гэгч мянганы хүлээсэнд хүлэгдэн 

Юуг ч эс хийж чадахдаа бухимдан 

Энэ орчлонгоос одохыг хүснэ:.....

Намар чи юутай сайхан

Юутай өнгөлөг, юутай гэгээлэг, юутай тайван , юутай хатуу, юутай гашуун юм бэ.....

Гэрэлтэн харагдах нарны туяа

Бодлын тэнгист автан умраас өрнөдрүү довтлох зуур 

Богинохон ч гэсэн хүний амьдралд жаргалын гэгээ татуулагч 

Намар цаг минь сайн байна уу...

Намайг жаахан байхад тэднийг өтөл байх үед

Шаргалтан харагдах нарны туяанд нүүрээ наан

Налгар намрыг мэдрэн тэнгэрээс унах мэт

Шаргал улаан навчсын дунд хөх тэнгэрийг харан хэвтдэгсэн

Аз жаргалын туяа жүржийн үнэртэй хамт над дээр ирдэг 

Намар цаг минь сайн байна уу...

Улаа бутруулсан хацар, нүүрэн дүүрэн мишээлтэй

Гялалзсан хар нүдтэй жирийн нэгэн монгол хүн жижигхэн ч гэсэн улаанбаатарынхаа гэрэлт гудамжаар алхлан

Шинэ амьдрал минь сайн байна уу,,,

Намар цаг минь сайн байна уу... хэмээн мэндчилнэ

Яаая гэхэв хүлээс минь

Аниргүйн дунд чиний дүрийг сэтгэлдээ тээн 

Чиний хажуугаар алхлаа

Анх чамайг харсан тэр нэгэн бороотой өдрөөс

Энэ түүх эхэлсэн

Улирлын дуудлагаар 

Уулзах өдрийг хүлээн удаан удаан харуулдана

Балга дарсанд биш 

Тайван дөлгөөн чиний харцанд согтон

Нэгэн оройг өнгөрүүлнэ

Яаая гэхэвдээ энэ орчлонг 

Харж л амьдарах юм чамайг 

Нас гэж зааг байдаггүйсан бол намайг ч гэсэн чи харах л байсан байх

Одоо би чамд сэтгэлтэй ч орчлонгийн өдрүүдэд алга болж юуны магад 

Хүлээх ёстой жамыг даган сэтгэлийн мухарт ганцаардлын байшиндаа сууна.

....

Олон бодлын минь үзүүр 

Орчлонгийн төгс гялбаа

Чихрийн амтаар эхэлсэн чиний инээмсэглэлийг харан 

Харцны чинь гэгээнд шүлэг тэрлэж явсан би

Одод түгсэн шөнө чамайтай хамт алхаж

Олны хөлөөс зайдуу салхины шившээнд суусан

Олон зун хамт байсан бишдээ анхных нь магад энэ юмдаа

Олон үг хэлэхийг би хүссэнгүй 

Найланхай хонгор аашинд чинь татагдаад 

Уянгалаг хоолойг чинь давах зүрх надад төрсөнгүй 

Бодлын мянган долгион сэтгэлийн гүнд мушгиралдаад 

Нууцхан сэтгэлд минь гунигийн салхи сэвэлзнэ

Учралын болзоог дагаж урссан он цагийн элээнд 

Амжиж миний олж харсан үл мэдэг инээмсэглэл

Чиний инээмсэглэл

Яргуй үнэртсэн хавар цаг тэртээ хол одож 

Цэцэгс дэлгэрсэн зуны өдөртэй хамт чи ирсэн

Бороотой шөнө намайг догдлуулж 

Богинохон насанд минь жаргал нэмсэн

Уулын оройг өглөө бүр хардагч 

Өчигдөр шөнө мэт чиний инээмсэглэлийг цээжиндээ би үргэлж хадгалдаг

Сарнай мэт уруул 

Хавирган сар мэт мишээх дүрэнд чинь би хайртай

Хүний нутгаас өөрийн нутаг хүртэл 

Сэтгэлийн мухараасаа чамруу шулуун чавхдас татсан

Дурлалт халуун насандаа

Дураараа нисэх шувуу мэт чамруу далавчаа дэлгэсэн

Одоо би чиний тухай бодож байна 

Огторгуйн уудмаас нүдрүү минь гэрэлтэх мөнгөн одод шиг мишээж байна

Бороотой шөнөтэй хамт нэгэн зүйл над дээр ирдэг 

Дусал бүрийн чимээ

Гэрлийн мөнгөн цацрагтай хамт намайг инээмсэглүүлдэг 

Гэхдээ чиний минь инээмсэглэл тэр бүгдээс илүү гэж би хэлж чадна

Түүгээр ч барахгүй аз жаргалын минь алтан түлхүүр гэж чамдаа би амлаж чадна

7 сарын 1

Гэнэтийн учрал гэнэн бодлуудын маань цуглуулга

Наран мандсан налгар зуны өдөр би чамтай анх учирсан 

Найраг дуунд хөглөгдөн чиний гараас би хөтөлсөн

Нэрийг минь дуудахад нарт ертөнцөд нэгэн өнгө нэмсэн

Нэрэлхэлгүй би чиний зүг ширтсэн.

Урьдын чиний төрхийг өнөөдөр би харлаа 

Уулзаж учирч явсан мөчүүдээ ахиад би санагалзав

Гунигийн дуу биш хацарт чинь урсгал ус шиг нулимс үлдээсэн 

Улаан уруул чинь биш цээлхэн хоолой чинь миний цээжинд үлджээ.

Чамтай мэндлээд цаашлах зориг надад төрсөнгүй

Энэ олон жил чамтай юу тохиолдов гээд л

Чиний талаар миний мэдэх зүйлсийг мэдэхийг их хүсэвч 

Ингэж асуух цаг нэгэнт үгүй болжээ.

Урьдын хийсэн шийдвэр 

Урагшлах замын маань луужин болсон

Одоо надад харамсах сэтгэл төрөхгүй 

Харин олны дунд чамайг би анх харсандаа баярлаж 

Ариухан хайрын эхлэлийг өрнүүлж байсандаа талархнаа

Чиний араас харан аз жаргал хүсэн би цааш алхсаар.

Нэгэн дусал

Сэтгэлийн минь мөнгөн утас чиний зүг татсан 

Сэм сэмхэн өөрлүүгээ би татсан

Моддын шивнэлдээн

Салхиний исгэрэхтэй хамт 

Чиний минь захиа ирсэн.

Зуун зуун жил чамайгаан үгүйлэнэ гэж

Зургаан өдөр би гашуудсан 

Зуны найртай цагийг зүсэр бороотой хамт угтан

Чинийхээ зурганд би хэлсэн.

Улаахан уруулыг чинь амтлаагүй ч 

Учралын аясанд хөтлөгдөж явсан би 

Учран золгох хувьгүй ч 

Ухаарлын айзамд алхсан.

Уул нь өндөр, ус нь гүн энэ орчлонд

Сэтгэл уужим энэ хорвоод чамайгаан дуулж

Сайхан амьдрал, сайхан үгсээр чамайг би далласан

Одоо чи надаас хол орчлонгийн нөгөө хязгаарт 

Харин би энэхэн орчлонгийн бодолд хөтлөгдөн тэнгэрийн зүг ширтэн алхсаар

Намайг чи амьдар гэж хэлсэн 

Харин би амьдарахаар шийдсэн 

Гэхдээ хэн нэгэнд баглуулж биш 

Хэн нэгнийг баглаж биш 

Хүсэл мөрөөдлийнхөө зүг нисэхээр шийдсэн.

Хавар

Тэвэр дүүрэн цэцэгсийн дэлгэрэх мөч
Тэнгэрийн хааяа бараантах үе
Тэртээ холоос ижийгий минь дуудах дуу
Тэнхлэг нь өөрчлөгдөх орчлонгийн жам
Чиний өмнө сөгдөх тэр л агшин намайг гэгэлзүүлнэ.

Урин цаг, уянгын эгшиг намайг сэргээн
Яруу тансаг хаврыг авчирна.

· March 3 at 1:51pm 2012

Бүү мэд

Гэнэт ирдэг гэнэт буцдаг

Гэнэт гайхшруулдаг 

Гэнэт инээмсэглүүлдэг 

Намрын налгар өдөр 

Өвлийн цастай шөнө

Хаврын орой

Зуны урин цагтай хамт үргэлж хамт байдаг 

Үзэсгэлэн төгс үнэхээр нэгэн аз жаргал

Үүрээр ирээд шөнөөр буцдаггүй 

Үүрд хамт байдаг аз жаргал

Зовох цагт түшиг болж

Өлсөх цагт хоол болж

Цангах цагт цангааг тайлдаг 

Аз жаргал чи хэнийг дуудахад гарч ирдэг 

Хэнийг дуудахад гарч ирдэггүйг чинь 

Би мэдэхгүй 

Гагцхүү амьдралын аясыг хөврөх 

Цагийн элээнд  хамт байдаг 

Эцэс төгсгөл нь үл мэдэгдэх 

Аз жаргал чамдаа баярлалаа...

on Saturday, May 12, 2012 at 9:34pm

Залуу нас

Хэний төлөө гэж явах вэ..

Хүсэж ирдэггүй, хийсэж оддог залуу нас

Хүний хүслээс давсан залуу нас

Хөл нь газар байдаггүй үргэлж дүүлдэг залуу нас

Эрх чөлөөг тунхаглан 

Ирээдүйг дуулдаг залуу нас

Андын үгээр хурцлагдаж 

Мөрөөдлөөр жигүүрлэдэг залуу нас

Хором бүрийг анзааралгүй 

Хийсч, дарьвиж явдаг залуу нас

Маргаашийг үл таамаглан 

Амьдралын нугачаанд хүн болдог залуу нас

Баяр хөөрийг мэдрэн 

Хэзээ ч дахиж ирэхгүй эрч хүчийг мэдэрдэг залуу нас

Хэн нэгэнийг бодон түүнийхээ төлөө хөвөрдөг залуу нас

Хязгаар нь үл байх хүслээ андууддаа хэлж

Ирээдүйрүү сэтгэл зүрхээ нэгтгэдэг залуу нас

Дурсамжийг үйлдвэрлэж, алдаагаар чимдэг залуу нас 

Тэмүүллээр дүүрэн маргаашийг хайрладаг 

Бусдыг гомдоож, баярлуулдаг залуу нас

Хэний төлөө гэж 

Хэний өмнөөс гэж явах вэ...

Аз жаргал гэдэг үгийг зүрхэндээ хадгалаад 

Өнөөдрийн хором бүрийг хайрлан амьдрая

Миний залуу нас надтай л хамт явна.

Хэнд ч надаас миний залуу насыг хулгайлах эрх байхгүй

Залуу хүн залуу хүнийхээ төлөө л амьдардаг юм

Хүсэл мөрөөдлийнхөө төлөө хөврөн одсу...

  on Wednesday, May 9, 2012 at 8:14pm